Fuhl am Strand
Fuhl am Strand
Lieje fuhl ahm Strand röm,
Hühr die Welle un ich spill mem Sand,
Loss en durch de Finger rinne
Un denk ahn Lück, die ich ens kannt.
Lück, die mir ens wichtig wohre,
Die ich jähn gehatt,
Och ahn die, die lästig wohre,
Nur dat hann ich dänne leider nie jesaat.
Met dä Welle vun dä Brandung
Falle mir die Name en,
Och Jeseechter, die ahnscheinend
Noch nit janz verjesse sinn.
Paar dovun nur schummrig,
Su wie durch Nebel sinn ich die,
Andere kloor un deutlich,
Et jitt Minsche, die verjisste nie.
Övverhaup Jeföhle,
Dunkeljrau bess strahlend bunt,
Ich denk ahn jet wie Liebe
Un ahn manch jähn verschenkte Stund.
Noh langer Zick fällt mir sujar
Mieh Vorbild widder en:
„Hey, Vorbild, dank dir schön,
Ich jläuv, ich kriej et langsam selver hin.“
Wer ich do em Einzelne meine,
Dat jeht üch jar nix ahn.
Ich künnt jetzt laut die Name singe,
Doch dat jevv ich draan,
Denn et jitt nix affzerechne,
Nohkaate jilt nit.
Un usserdäm, wat soll dat?
Lück enn de Pooz ze hänge, bringk mir nix.
Zom Beispiel dä, dä wirklich vüürhatt,
Nur hä selvs ze sinn,
Andre noh der Muhl ze schwaade,
Dat wohr für ihn nit drin.
Dä wohr domohls einer,
Dä de Schnüss nit hahle däät –
“Dat wohren doch nur Kindereie“,
Ess alles, wat e’ hück dozo noch säät.
Wahrscheinlich sinn en Hääd Lück
Jetzt janz anders als jeplant
Un hann dä jrooße Schwenk jemaat
Öm hundertaachzich Jraad.
Wenn ich manche widdersööch,
Ich jläuv, do feel ich öm.
Doot mir dä Jefalle, Lück,
Un blieht, wo ihr sitt, ich bitte schön!
Faul am Strand
Liege faul am Strand,
Hör die Wellen und spiel mit dem Sand,
Lass ihn durch die Finger rinnen
Und denk an Leute, die ich gekannt.
Leute, die mir wichtig waren,
Die ich gern gehabt,
Auch an die, die lästig waren,
Nur das hab ich denen leider nie gesagt.
Mit den Wellen von der Brandung
Fallen mir die Namen ein,
Auch Gesichter, die anscheinend
Noch nicht ganz vergessen sind.
Paar davon nur schummrig,
So wie durch Nebel seh ich die,
Andere klar und deutlich,
Es gibt Menschen, die vergisst man nie.
Überhaupt Gefühle,
Dunkelgrau bis strahlend bunt,
Ich denke auch an Liebe,
Und an manch gern verschenkten Tag.
Nach langer Zeit fällt mir sogar
Mein Vorbild wieder ein:
„Hey, Vorbild, dank dir schön,
Ich glaub, ich bekomm es langsam selber hin.“
Wen ich da im Einzelnen meine,
Geht euch gar nichts an.
Ich könnte laut die Namen singen,
Doch das lass ich sein,
Denn es gibt nichts abzurechnen,
Nachkarten gilt nicht.
Und außerdem, was soll das?
Leute an den Pranger stellen bringt mir nichts.
Zum Beispiel den, der sich fest vornahm,
Nur er selbst zu sein,
Anderen nach dem Mund zu reden,
War für ihn nicht drin.
Das war damals einer,
Der die Klappe nicht zubekam –
“Das waren doch nur Kindereien“,
Ist alles, was er jetzt dazu noch sagt.
Wahrscheinlich sind so viele
Jetzt ganz anders als geplant,
Haben den großen Schwenk gemacht
Um hundertachtzig Grad.
Wenn ich manche wiedersähe,
Ich glaub, ich fiele um.
Tut mir den Gefallen, Leute,
Und bleibt, wo ihr seid, ich bitte schön!