Niedeckens BAP - Startseite

Widder su 'ne Sonndaachmorje

Widder su 'ne Sonndaachmorje

Hallo Gerd, wie jeht et? Lang nit jesinn, Mann,
Fass e’ Johr un drei Mohnd he drin.
Och ejal, ich weiß nur, dat ich kaum jet jedonn hann,
Dat ess wohr, och wenn ich ensinn,
Dat dat met däm Mike schon link wohr,
Hann ich voll bereut, total – doch, Gerd,
Övver dinge Breef hann ich mich jefreut, echt!

Widder su ’ne Sonndaachmorje,
Finster op un Radio ahn.
Widder öm en Woch bedroore un dann:
Widder su ’ne Sonndaachmorje,
Em Kalender steht „April“,
Jed Jeföhl für Zick verloore he drin.

Jetz em Mai ess Halbzeit, wenn alles normal läuf,
Doch em Ähnz: Wa’ ‘ss he drin normal?
Comics & Pin-ups, en lackierte Betonwand
Un en Sonn uss Neon, ejal.
Jed’nfalls jrööß ding Frau un ding Kinder,
Nehm ahn, dat dä Klein jetz laufe kann.
Maach et joot, ahm Engk bess irjendwann, Mann!

Widder su ’ne Sonndaachmorje,
Finster op un Radio ahn.
Widder öm en Woch bedroore un dann:
Widder su ’ne Sonndaachmorje,
Em Kalender steht „April“,
Jed Jeföhl für Zick verloore he drin.

Wieder so ein Sonntagmorgen

Hallo Gerd, wie geht’s dir? Lang nicht gesehen, Mann,
Fast ein Jahr und drei Monate hier drin.
Auch egal, ich weiß nur, dass ich kaum was getan hab,
Das ist wahr, auch wenn ich einseh,
Dass das mit dem Mike schon link war,
Hab ich voll bereut, total – doch, Gerd,
Über deinen Brief hab ich mich gefreut, echt!

Wieder so ein Sonntagmorgen,
Fenster auf und Radio an.
Wieder um eine Woche betrogen und dann:
Wieder so ein Sonntagmorgen,
Im Kalender steht „April“,
Jedes Gefühl für Zeit verloren hier drin.

Jetzt im Mai ist Halbzeit, wenn alles normal läuft,
Doch im Ernst: Was ist hier drin normal?
Comics & Pin-ups, eine lackierte Betonwand
Und die Sonne aus Neon, egal.
Jedenfalls grüß deine Frau und die Kinder,
Nehm an, dass der Kleine jetzt laufen kann.
Mach’s gut, vielleicht bis irgendwann, Mann!

Wieder so ein Sonntagmorgen,
Fenster auf und Radio an.
Wieder um eine Woche betrogen und dann:
Wieder so ein Sonntagmorgen,
Im Kalender steht „April“,
Jedes Gefühl für Zeit verloren hier drin.


zur Übersicht